42 REGISTRES

sent l'a promis faire en dilligence et en faire son rapport ;

Que les Quarteniers yront par les maisons de Paris savoir quelz bastons à main et 5 feu, harnoys et munitions de guerre il y a, et mesmes sur tous les armuriers, fourbisseurs el merciers, et, s'il est besoing, les apporter en l'Ostel de lad. Ville, en les payant de la valleur d'iceulx, et, par ung mesme moyen, savoir quelz vivres il y a et quelz gens pourront porter armes et combien, pour en faire monstre generalle ;

Qu'on fera crier à son de trompe par tous les carrefours de Paris que tous les habitans d'icelle ayant maisons, fermes et metairyes aux champs, ayent à faire venir en extreme dilligence tous les bledz, vins, bestiail et autres vivres et meubles, et dedans quatre jours; autrement, à faulte de ce faire, seront lesd, maisons et vivres bruslez et

DU BUREAU [i544]

consommez, à ce que les ennemys du Roy ne les puissent trouver et leur sera baillé lieu seur pour les mectre ;

Item, que les gens des villages ayent semblablement à admener leurs vivres à Paris dedans led. temps, à ceulx à qui ilz les doibvent,au jour S. Martin prochain; et fault avoir arrest de la Court pour les contraindre à payer promptement ; aussi qu'on les recevera, eulx et leurs biens, en ceste Ville, s'ilz y viennent, ou passeront oultre, se bon leur semble.

Et sera advisé qu'on fera des povres mendicans, valides et invalides, qu'ilz pourroient affamer lad. Ville, s'ilz y demouroienten si grand nombre comme ilz sont de present, et aussi si on chassera les religieulx estrangers et autres, et s'il y cn a en ceste ville, et s'en enquerir.

LVI [V]. — Processions.

i3 septembre 154 4. (Fol. 6 v°.)

Du xiu^e jour de Septembre.

Aujourd'uy ont esté faictes processions généralles par Mess" de la Court et de la ville de Paris, et sont allez en l'eglise de Paris et de la à Madame Saincte Geneviefve, où a esté descendue sa chasse el portée en procession avec plusieurs beaulx reliquaires estans en lad. Ville, pour prier

Dieu pour la paix d'entre le Roy et l'Empereur et pour la conservation de ceste ville de Paris, et ne povoient passer le peuple pour les chariolz et charettes chargez de biens des habitans de lad. Ville, qui s'en alloient hors lad. Ville, pour la crainte de l'armée dud. Empereur qui s'aprochoit d'icelle Ville.

LVII [VI]. — [Publication de la paix.]

20 septembre i544. (Fol. 6 v°.)

Et le xx" jour dud. moys de Septembre v^c xliih, vigille sainct Mathieu, le Roy nostre sire ordonna faire cryer la paix (-), et envoya ses heraulx d'armes à la court de Parlement, lesquelz vindrent à la Ville, et estoient vesluz de leurs coste d'armes ; et furent envoyé querir par mess" les six trompettes d'icelle Ville. Et crièrent lad. paix en la place de Greve et par les lieux acoustumez, acompaignez de plusieurs archers, arbalestriers et haquebutiers en la maniere qui ensuit :

On faict assavoir que bonne paix, amytié et confédération est faicte entre le Roy nostre souverain

seigneur et l'Empereur, et leurs alliez eteonfederez; et peuvent leurs subgectz traffiquer, marchander et converser surement les ungs avec les autres.

Ce faict, revindrent lesd, heraulx disner au despens de la Ville au Fer de moullin, près Sainct Ger-vaiz. Et led. jour, furent faictz feuz de joye en lad. Ville, mesmes en la place de Greve, ou fut deffoncé ung muy de vin et douze douzaines de pains baillez à tous pauvres passans; et y avoit gens à garder que les riches ne beussent ou emportassent dud. vin. Et pendant que on allumoit led. feu, l'artillerye delad. Ville sonnoit.

O Le traité de Crépy entre Chailes-Quint et le roi de France avait été signé l'avant-veille. Voir, au sujet de cette publication, les instructions apportées de la part du roi au Parlement, et particulièrement les mesures décrétées pour purger les environs de Paris des pillards et vagabonds qui y exerçaient leurs ravages. (Arch, nat., X" 1553, fol. 4gi.)



	42 REGISTRES sent l'a promis faire en dilligence et en faire son rapport ; Que les Quarteniers yront par les maisons de Paris savoir quelz bastons à main et 5 feu, harnoys et munitions de guerre il y a, et mesmes sur tous les armuriers, fourbisseurs el merciers, et, s'il est besoing, les apporter en l'Ostel de lad. Ville, en les payant de la valleur d'iceulx, et, par ung mesme moyen, savoir quelz vivres il y a et quelz gens pourront porter armes et combien, pour en faire monstre generalle ; Qu'on fera crier à son de trompe par tous les carrefours de Paris que tous les habitans d'icelle ayant maisons, fermes et metairyes aux champs, ayent à faire venir en extreme dilligence tous les bledz, vins, bestiail et autres vivres et meubles, et dedans quatre jours; autrement, à faulte de ce faire, seront lesd, maisons et vivres bruslez et	DU BUREAU [i544] consommez, à ce que les ennemys du Roy ne les puissent trouver et leur sera baillé lieu seur pour les mectre ; Item, que les gens des villages ayent semblablement à admener leurs vivres à Paris dedans led. temps, à ceulx à qui ilz les doibvent,au jour S. Martin prochain; et fault avoir arrest de la Court pour les contraindre à payer promptement ; aussi qu'on les recevera, eulx et leurs biens, en ceste Ville, s'ilz y viennent, ou passeront oultre, se bon leur semble. Et sera advisé qu'on fera des povres mendicans, valides et invalides, qu'ilz pourroient affamer lad. Ville, s'ilz y demouroienten si grand nombre comme ilz sont de present, et aussi si on chassera les religieulx estrangers et autres, et s'il y cn a en ceste ville, et s'en enquerir.

	LVI [V]. — Processions. i3 septembre 154 4. (Fol. 6 v°.)

	Du xiu^e jour de Septembre. Aujourd'uy ont esté faictes processions généralles par Mess" de la Court et de la ville de Paris, et sont allez en l'eglise de Paris et de la à Madame Saincte Geneviefve, où a esté descendue sa chasse el portée en procession avec plusieurs beaulx reliquaires estans en lad. Ville, pour prier	Dieu pour la paix d'entre le Roy et l'Empereur et pour la conservation de ceste ville de Paris, et ne povoient passer le peuple pour les chariolz et charettes chargez de biens des habitans de lad. Ville, qui s'en alloient hors lad. Ville, pour la crainte de l'armée dud. Empereur qui s'aprochoit d'icelle Ville.

	LVII [VI]. — [Publication de la paix.] 20 septembre i544. (Fol. 6 v°.)

	Et le xx" jour dud. moys de Septembre v^c xliih, vigille sainct Mathieu, le Roy nostre sire ordonna faire cryer la paix (-), et envoya ses heraulx d'armes à la court de Parlement, lesquelz vindrent à la Ville, et estoient vesluz de leurs coste d'armes ; et furent envoyé querir par mess" les six trompettes d'icelle Ville. Et crièrent lad. paix en la place de Greve et par les lieux acoustumez, acompaignez de plusieurs archers, arbalestriers et haquebutiers en la maniere qui ensuit : On faict assavoir que bonne paix, amytié et confédération est faicte entre le Roy nostre souverain	seigneur et l'Empereur, et leurs alliez eteonfederez; et peuvent leurs subgectz traffiquer, marchander et converser surement les ungs avec les autres. Ce faict, revindrent lesd, heraulx disner au despens de la Ville au Fer de moullin, près Sainct Ger-vaiz. Et led. jour, furent faictz feuz de joye en lad. Ville, mesmes en la place de Greve, ou fut deffoncé ung muy de vin et douze douzaines de pains baillez à tous pauvres passans; et y avoit gens à garder que les riches ne beussent ou emportassent dud. vin. Et pendant que on allumoit led. feu, l'artillerye delad. Ville sonnoit.

	O Le traité de Crépy entre Chailes-Quint et le roi de France avait été signé l'avant-veille. Voir, au sujet de cette publication, les instructions apportées de la part du roi au Parlement, et particulièrement les mesures décrétées pour purger les environs de Paris des pillards et vagabonds qui y exerçaient leurs ravages. (Arch, nat., X" 1553, fol. 4gi.)